Sakina (sa) qaid say wapas na aayi

Sakina (sa) qaid se wapas na aayi

3x Haaye Sakina, haaye Sakina

Khabar ye shaam se Zainab hai laayi, Sakina qaid se wapas na aayi (2x)

Khuli zanjeer Aabid ke qadam ki
ridaaye mil gai Ehle Haram ki
Rassan gardan se uski na paayi
Sakina qaid se wapas na aayi

Kafan, kurta, lehad, zindaan ka gosha
gaya na mar ke qismat ka andhera
Duhaayi, hai duhaayi, hai duhaayi
Sakina qaid se wapas na aayi

Kaha Baano ne kaise ghar ko jaaun
Jigar ki aag ko kaise bujhaaun
Meri Bachi ko kaisi neend aayi
Sakina qaid se wapas na aayi

Jagati hun hila kar uska shaana
Na kaam aya mera rona rulana
Aray kya mar gai ghum ki sataayi
Sakina qaid se wapas na aayi

Buhot arman tha ghar jaane ka usko
Zara Aabid meri Bachi se kehdo
Chalo ghar ko sawaari hai mangaayi
Sakina qaid se wapas na aayi

Chacha se, Baap se, Bhai se bichri,
meri Bachi ki thi taqdeer kaisi
Khushi chothe (4.) baras na raas aayi
Sakina qaid se wapas na aayi

Lagi thi aag daman mei bujhadi
Hui wo tishnagi sehre ki aadhi
Magr jo aag paani ne lagaayi
Sakina qaid se wapas na aayi

Labe kaanon ki choo kar poochti thi
Rawani ruk gai hai kya lahoo ki
Labon ki boondh daman par na aayi
Sakina qaid se wapas na aayi

Andheron se kya karti theen baatein
Ujaale phir se kab dekhengi aankhein
Andheron ne hansi uski urhaayi
Sakina qaid se wapas na aayi

Bani zindaan mei qabr e Sakina
Tha Zehra ki tarhan sabr e Sakina
Ajab qismat thi is Bachi ne paayi
Sakina qaid se wapas na aayi